Unións Agrarias denuncia que a marca francesa Lactalis está obrigando aos gandeiros galegos a renunciar asinar contratos dun ano pese a que o Decreto lácteo ó recolle como unha acción ilegal. Tal como se ven denunciando nas últimas semanas pola organización agraria, os visitadores das industrias lácteas están levando a “política do medo” ás explotacións gandeiras para forzar a baixa os prezos do leite en orixe coa ameaza de deixar o leite sen recoller naquelas granxas que non acepten as súas imposicións.

Nesta “política de empresa” baseada na chantaxe destaca especialmente Lactalis xa que lle traslada ao gandeiro o contrato a un ano –como obriga a lei- e a renuncia ao mesmo, xa cuberto e listo para asinar, no mesmo momento do valeirado dos tanques. De xeito que no caso de non aceptar a súa imposición, cancelase a recollida co que o gandeiro atópase nun carreiro sen saída ao non dispoñer de alternativa para vender un produto perecedeiro como é o leite.

Unións Agrarias reta a Lactalis a desmentir esta denuncia aportando algún contrato no que o prezo e duración do contrato sexa fiel reflexo dunha negociación leal entre partes. Por outra parte, UUAA denuncia tamén que a Xunta de Galicia está a facer gala dunha actitude inmobilista que impide avanzar na negociación colectiva que leve a contractualización do leite que se produce en Galicia. Este sindicato segue sen ter resposta nin da Consellería de Medio Rural nin da Presidencia da Goberno galego logo de que desde esta organización agraria se solicitase a convocatoria de todo o sector para poñer fin as imposicións ilegais.

Para a Unións Agrarias sempre lle pareceu pobre a última redacción do Paquete Lácteo, porque a negociación dos contratos lácteos non tiveran elementos normativos –a figura do mediador- que contrapesasen o grande poder transnacional do que dispoñen as empresas transformadoras e distribuidoras para obrigar a asinar aos gandeiros contratos leoninos baixo a ameza de deixarlle o leite sen recoller.

Finalmente desde UUAA advírtese que o escenario liberalizado no que agora se moven as explotacións en Galicia e tremendamente volátil polo tanto a frivolidade das industrias e a irresponsabilidade da Xunta de Galicia, terán unha resposta conxunta e contundente se non se modifican o modelo de actuación de uns e outros.