Xóvenes Agricultores faise cargo da presidencia do Comité Consultivo do grupo de bosques da Comisión Europea

A organización profesional agraria Xóvenes Agricultores-ASAJA Galicia ven de acceder á presidencia e portavocía, en nome do COPA-COGECA, do Comité Consultivo do Grupo Bosques e Corcho da Comisión Europea. Xóvenes Agricultores, na súa liña de profesionalización das súas representacións institucionais, confiou esta presidencia ao experto Enrique Valero, profesor e director do Grupo de Investigación AF-4 da Universidade de Vigo e asesor de XX. AA. en temas forestais.

O nomeamento produciuse na reunión mantida polo COPA-COGECA o pasado 21 de xaneiro. Trátase da primeira vez que un español accede a este posto, tradicionalmente ocupado por representantes de países nórdicos ou centroeuropeos.

Enrique Valero compartirá o seu mandato cos vicepresidentes Juha Hakkarainen, de Finlandia, e co austriaco Martin Höbarth.
O COPA-COGECA é unha gran estructura europea que engloba a máis de corenta organizacións profesionais agrarias, forestais e cooperativas da Unión Europea, representando a máis de corenta millóns de cidadáns. Xóvenes Agricultores, que pertence á devandita organización dende hai décadas, confiou a súa representatividade nestes foros internacionais ao profero Enrique Valero, tanto no citado comité de Bosques como no de Medio Ambiente.

Enrique Valero, director do Grupo de Investigación AF-4 da Universidade de Vigo, durante o seu discurso post-elección comunicou os temas estratéxicos nos que se fixarán as prioridades en cuestións forestais. Entre eles figuran o seguimento ao Plan de Acción Forestal Europeo, a iniciativa para o establecimento dun Instrumento Legal Vinculante para a Unión Europea e o “Green Paper” sobre Protección de Bosques da Comisión. Asimesmo, figura como prioridade a contribución do sector forestal á mitigación do Cambio Climático, sobre todo tendo en conta o papel que este tomou logo da cumbre de Copenahague. Outros temas de interese tamén son a conservación da biodiversidad nos bosques, a directiva de Responsabilidade Debida, a Contratación Pública Verde, a iniciativa sobre comunicación no sector forestal e a consideración dos productos forestais non madereiros.

Valero informou ao Grupo sobre o desenvolvemento das tarefas do Grupo de Traballo sobre Cambio Climático e Bosques, do cal é membro, creado a principios do ano pasado no seo do Standing Forestry Committe para estudiar e preparar a posición da Comisión Europea no escenario post-Copenhague.