UUAA: o vacún de carne precisa dun plan comercial integral

Unións Agrarias, logo de coñecer polos medios de comunicación, a proposta da directora xeral de Gandería, Agricultura e Industrias Alimentarias, Belén Docampo, de crear unha indicación xeográfica protexida para a carne de vaca e boi de Galicia, manifesta o seu apoio a todas as iniciativas que como a presente dean maior saída a produción cárnica galega.

O sindicato bota en falta na proposta da Xunta, unhas miras mais alta para acometer dunha vez un plan de comercialización integral do vacún de carne de Galicia que sirva para sacar o mercado todo o seu potencial produtor, que neste momento ascende a máis de 350.000 canais anuais e non tan so aos 120.000 que suman a IXP Ternera Gallega (86.000 canais/ano) e a cabana que se acolla a nova certificación.

O sector da carne de Galicia ten un gran potencial si se acomete de xeito decidido unha diferenciación por categorías comerciais nas que teñan cabida tanto o censo de vacas nutricias e o de vacas de leite, porque o que lle dá valor engadido é o manexo e o modelo de alimentación que se aplica por parte dos gandeiros galegos. Para UUAA deberíase permitir o amparo de todas as razas de vacún que se atopan na nosa Comunidade, sen obviar os vínculos histórico e natural. Aínda que a procedencia non sexa autóctona hai que insistir no sistema de manexo como elemento diferenciador de calidade.

A nosas explotacións responden a un modelo de produción moi demandado pola sociedade, o cal está baseado na calidade, seguridade alimentaria, benestar animal e protección do medio ambiente, que se resume no termo explotación agraria sostible, a cal axuda ó mesmo tempo á vertebración do territorio. Se iso lle sumamos o feito de que o 50% das vendas de carne se produzan en carnicerías reforza a gran importancia que ten que ter a información e atención directa que se debe suministrar na venda ó corte.